洪永城错过囡囡成长宝贵时刻 梁诺妍忆确诊隔离经历

etin

艺人林子善、梁诺妍及姜皓文等，昨午（9日）为港台节目《医家搞边科》录影。子善和梁诺妍受访时大赞中医帮到手，子善表示：“之前我太太瞓唔到觉，睇咗中医、食两剂药就瞓到。”梁诺妍则回忆3月底确诊时，亦试过网上睇中医，效果相当不错。

​谈到丈夫洪永城返内地拍剧，她说：“佢出门口嗰日揽揽我，搞到我几乎忍唔住（眼泪），当时都觉得应该会挂住佢，但夜晚就冇事嘞。我哋日日都有视像，况且囡囡同佢成个饼印，我谂佢视像都系想见个女啫。”她补充确诊期间独自躲在房间隔离，只可以隔着玻璃望望囡囡，感觉如同丈夫目前心情一样：“佢去3个月，即系话囡囡6至9个月佢都唔喺度，相信会错过咗好多宝贵嘅时刻。”

同样育有爱女的子善坦言明白洪永城心情，讲到眼湿湿，果然性情中人：“我之前都系上咗内地工作3个月，出门口嘅时候揽住囡囡，之后喊咗出嚟，所以我返嚟嘅时候畀惊喜太太同囡囡，失惊无神出现喺佢哋眼前。做咗爸爸之后，我更加相信女人系应该要嚟锡嘅。（依家有咩新工作？）4月返嚟之后都喺度休息，个市咁差，惟有守住先。”