林德信睇时机结婚：我想有小朋友！

etin

现年37岁的林德信（Alex），在电台访问中忆述父亲林子祥（Lam）对其成长影响，他坦言小时候因阿Lam工作忙，他与母亲吴正元在美国生活，父子相处及沟通机会不多：“以前真系好少见，好羡慕同学可以跟爹哋饮啤酒。”直至他在美国19岁读大学开始学音乐夹Band，父子才多了沟通话题，他说：“嗰年佢来美国探我，我终于够胆将我写嘅歌同佢分享，我哋先才拉近距离，音乐、电影、车及结他，都系我哋嘅共同话题。”

​作为瑜伽导师的他身形弗到爆，原来当年受父母离婚影响，10岁前曾暴肥至180磅：“我好记得7、8岁嗰年开始变肥，因为爹哋妈咪离婚，我又要转学校，影响咗情绪，细个唔识得表达，亦唔知发生咩事，唔开心就狂食。”他表示当年有没有因此怪责爹哋，他说：“细个唔识得嬲，亦唔会嬲！因为唔太了解，我爱爹哋，但同妈咪更亲，尽量陪妈咪，但一定有影响。”

出道初期，Alex坦言没有因“林子祥儿子”身份感到有任何压力，反而经常被狗仔队影到他与友人夜蒲，及一大堆绯闻才感到困扰，对于被指曾与吴雨霏、AGA等传绯闻，他说：“喺美国Clubbing好正常，喺香港我有男仔朋友都有女仔朋友，初入行我较蠢，会单独同女仔朋友Happy Hour，就被放大误会成Bad Boy。最搞笑一次我同妹妹被影到，最后仲写成我嘅新欢，先明白对呢啲报道唔使咁认真。”

他重申对感情专一，绝非报道形容是个花心坏男孩，不过近年他已被封盘，早于社交网公开有个拍拖5年的圈外女友Candace Poon。Alex透露女友由共同朋友介绍相识：“女仔嘅乐观性格最吸引我，遇到问题会大家一起去解决，喜爱运动亦好重要，我同佢会一起做瑜伽同运动，对关系都有帮助。”被问及彼此见过家长关系稳定，家人有没有催婚，他说：“又冇喎，佢屋企人又冇催婚喎！我爹哋都冇，佢通常只会问我音乐。”问他可有计划过想组织家庭？思想洋化的他原来颇传统的说：“我想㗎，都想有小朋友！（已经认定对方？）我想要伴侣嘅条件，对方全都适合，但唔系单系我认为就得，都要睇对方意思。我哋一齐经历咗咁多，会不会再进一步，就要睇时机。”