林青霞“超级皇宫”坐拥18名佣工 网民惊叹电视剧都冇咁豪华排场

etin

“大美人”林青霞获老公邢李㷧所赠嘅11亿“超级皇宫”昨晨发生三级大火，豪宅内18名工人立即疏散，甚至抱住宠物逃生，好彩今次火灾冇造成人命伤亡，但就引起全城热话。唔少网民都纷纷猜测林青霞屋企到底有几富贵，更惊叹咁话：“电视剧都冇出现过咁豪华嘅牌场！”

有指呢个“超级皇宫”佢老公邢李原喺2014年送畀佢嘅60岁生日礼物，占地3万几呎，面积宽敞，仲可以望到绝美山景以及维港靓景，环境清幽，仲成有仙鹤出现添！而豪宅更设有网球场、泳池、健身室、图书馆等，净系个花园都大到吓死人。而豪宅24小时都有保安驻守以及10几只狼狗巡逻，保安严密。唔少网民得知消息后都大感羡慕，大赞佢一家根本系“人生胜利组”。

另外，有指林青霞一家食饭从来唔睇价钱，屋企每餐至少有八道菜，食得超豪，最癫嘅系，佢拥有价值过亿嘅私人商务飞机“Bom-bardier Challenger”。有网民更为林青霞推算每月开支，留言话：“假设18位工人，每位人工系5000港元，一个月至少都要9万蚊，加埋宠物嘅开支，每月5万，夹埋都要14万。”佢哋仲话计埋其馀开支，每个至少50万先够，对于香港普通市民嚟讲，呢个“每月开支”简直系天价。而根据福布斯香港富豪榜嘅资料，佢老公嘅资产约有168亿港元，所以对林青霞屋企嚟讲，一个月50万绝对系碎银一样，绰绰有馀呀。​