黄嘉乐疫下摆酒劲担心 最想通关去土耳其再影婚纱相

etin

艺人黄嘉乐日前为无綫节目《好声好戏》进行录影，早前他向拍拖5年的圈外摄影师女友Samantha求婚成功，二人婚礼定于8月19日举行。谈到婚礼筹备工作时，嘉乐表示与未婚妻每天都留意防疫措施，他说：“都担心措施会收紧，酒店方面都唔敢讲得好实，暂时只可以招待120人。（请得晒啲亲友？考虑分几日摆酒？）其实系唔够嘅，邀请人都有啲头痕，因为做埋注册，所以只会摆一日，啲好Friend嘅朋友可能要再约另一日食饭。”

​近来忙于工作的他，坦言婚礼上很多事情也交给未婚妻处理：“佢想我专心工作，仲话最重要嘅事我已经处理咗，就系同佢影结婚相，哈哈。”他又自爆二人同属性格火爆，但会锡住对方，每当对方指他恶时会立即道歉：“作为一个男人，肯诚心认错即系爱惜另一半，我自己都学习紧，佢都改变咗我好多。”问到会否出埠度蜜月？他指若通关希望到土耳其多影一辑婚纱相：“有摄影师朋友话土耳其影热气球好靓，其实我自己好想去玻利维亚影天空之镜，我仲曾经幻想过喺当地求婚。”