|
性感女神周秀娜(Chrissie)由头靓到脚,一副好身材更加为佢带嚟知名度,不过依家佢转形行演技路线,唔再净系Sell性感,更添女人味,仲多咗好多戏路添,不过佢前日(4日)就忽然喺社交网先爆,原来早前拍新戏时,已经全身过敏,不过好在个靓样冇事,用衫遮一遮就可以继续拍摄。点知依家佢就休息紧,竟然变咗块面出事,两颊明显红到一挞挞:“拍剧的时候全身过敏脸没事,衣服遮得住不影响拍摄,放假脸过敏身没事,不得不赞我的皮肤 #识时务 🤣你怎么那么好😏✨”有粉丝就担心佢唔自系敏感咁简单,仲有可能系玫瑰痤疮,而玫瑰痤疮嘅形成有机会都关情绪事,即刻留言嗌佢快啲去睇医生,同埋放松身心,唔好咁紧张。
|
|