“丑女天花板”！蔡卓妍惊吓毁容样曝光 还原17年前经典

etin

由影帝刘青云、林峯及蔡卓妍（阿Sa）主演嘅英皇电影《神探大战》即将上映，当中阿Sa嘅演出唔输两大型男，不但博到尽，有大量跳车、跳楼、跳海及枪战戏，更牺牲靓样惨被毁容，呢日佢就率先曝光超惊吓毁容Look，拍片公开“变脸”过程，见佢除咗全脸化上瘀血妆及画上疤痕外，仲度身订造特制龅牙，最后再绑上绷带及戴上颈套，加埋佢七情上面嘅爆喊演技，真系非常逼真，简直面目全非，完全睇唔出系阿Sa，连佢自己都直呼：“你们还能认出这样的我吗？”其惊吓烂面曝光后，大批网民一致激赞佢专业，唔怕扮丑，完胜好多求其画上胎记再当扮丑嘅女明星，仲重提佢多年前主演嘅电影《情癫大圣》，其猪胆鼻加龅牙嘅经典丑样，当年被指丑到网民有阴影，甚至成为“丑女天花板”，如今相隔多年继续不顾靓样，专业态度始终如一！