陈晓华有感而发 闩埋心门少咗伤感亦同时少咗开心

etin

前港姐冠军陈晓华(Hera)虽然样貌标致，但演戏方面却有待改进，曾被观众批评演技生硬兼口齿唔伶俐，结果她的起心肝上堂学戏，并努力摆脱卡通声，直至去年于剧集《七公主》终一雪前耻，被大赞有进步，此后Hera开始一剧接一剧，演戏信心亦大增。而忙于拍摄新剧《美丽战场》的她，近日有感而发于社交网Po文，她写道:“唔想有太多情绪起跌，然后将所有嘢都放轻、妥协、将就，所有嘢好似真系会避免咗啲忧伤嘅感觉，但渐渐又觉得好似候少咗啲嘢，所以闩埋咗度门咁，冇人可以入嚟，冇人可以出去，少咗伤感、难过、失望，但同样少咗开心、幸福、快乐，好似冇嘢可以触动到个心。”

​大抵曾于演戏上力不从心，无从入手相当无助，如今终于为找到“出口”感高兴，故写道:“最近慢慢打开番度门，个世界色彩缤纷咗好多，能够感受甜酸苦辣，真系好幸福。”就以上感性留言求证Hera，她笑说:“我冇事，其实都系有感而发，拍剧嘅时候要用好多情感，发现其实开心同唔开心都系相辅相成，所以希望可以鼓励身边嘅人，勇敢面对啲唔如意嘅事。”问到新剧拍摄进度，Hera直言现时每日也有挑战，但每完成一个场口也很有满足感，故会继续努力。