被陈家乐落柯打增肥︱连诗雅冧回：都想我健康啲啫！

etin

艺人连诗雅（Shiga）昨晚（3日）参加无綫《开心无敌奖门人》录影，频被称呼为“陈太”，她笑言对这个称号仍未习惯：“都未正式系（陈太），但都多谢大家嘅祝福。”对于有指未婚夫陈家乐即将返内地工作，Shiga笑说：“据我所知佢仲有啲嘢倾紧，我哋都好信邪，如果未正式落实，就唔想公布住，你哋（记者）问番佢啦。（唔舍得？）又唔会，因为之前我都有返内地啦，况且依家科技发达，联络好方便啫。”

对于陈家乐不时于社交网留言叫她增肥，Shiga冧爆答：“佢嘅意思系想我健康啲啫，其实我身边嘅人都会觉得我用啲唔健康嘅方法keep fit，我平时食得好少，要上镜嘛。（佢想储肥妳生B？）唔关事，大家都担心我营养不良，睇唔出呢？（咁你觉得家乐身材点？）哗！佢梗系fit啦。（佢肥仔你都收货？）佢做呢行，都唔会畀自己太肥，况且佢系（运动）勤力宝宝。”今次是Shiga第2次亮相《奖门人》节目：“对上一次系同官恩娜及周柏豪一齐，当时有师兄、师姐傍住。今次比较紧张，担心自己转数唔够快，拖累其他队友。”