前港姐陈凯琳(Grace)龙凤胎细佬Derek日前晒出与爸爸嘅合照,因佢嘅肤色同混血儿外貌与爸爸“唔似样”,随即引起网民热议!“抽水王”林作日前(23日)仲话得到妈妈嘅支持,愿意出1千万求验Derek父子DNA!到咗昨日(24日),林作于社交网留言话已经收到陈凯琳弟弟Derek嘅回应,令到林作都好震惊唔知点应对:“我目前要Process吓先知道要如何应对。我将会于今日下午4点发布消息!” ​
到咗下午5点,林作“找数”于社交网放咗条Derek准备移民加拿大嘅“道别”影片,其实陈凯琳曾经喺访问中提过细佬Derek就嚟会移民加拿大,仲话同出世以嚟都未试过同细佬分开咁耐,感到好唔舍得呀!林作留言:“本人在今早看到他的告白短片后,吓了一跳。我们没有人想Derek离开。”佢话会收回所有offer,劝Derek唔好离开香港,仲嗌所有网民都唔再关注呢个验DNA风波:“我们没有人想令一个家庭要分隔两地。Derek,只要你不走,我愿意收回我的offer。一家人和睦最好。昨天才拍片,不需要今日就闹脾气。本人愿意帮助劝喻所有网民,不要再留意及关注这个验DNA事件。不是我开始这个话题的,但我承认作为广大网民之一,我有推波助澜。但我愿意成为这个话题的终结者。
各位,我们必须在不影响到别人一些底线的情况下满足好奇心,原本我以为郑先生说一家人心情不受影响,我才放心继续,但原来已经影响到要道别,我就10万个不愿意了。各位,我们一起,用最衷心的态度,向Derek呼吁:Derek 不要走!”
|