艺人陈凯琳(Grace)与龙凤胎弟弟Derek的外表跟父母南辕北辙,经常引起网民热话,尤其近日Derek于社交网上载与陈父合照后竟轩然大波,“抽水王”林作出100万叫Derek去验DNA。虽然随即被粉丝闹爆,林作依然死撑,更扬言“有重大消息即将公布”,不过昨日(22日)整个下午都只闻楼梯响。
​身为陈凯琳老公的郑嘉颖昨晚出席主演电影《焚身》首映礼。谈到林作抽水一事,他笑答:“冇破坏我哋心情,当事人(指Grace两姐弟)同屋企人心情好正常。(大家姐Joyce话100万验DNA太少喇。)呢啲好个人观感。(林作话要向佢阿妈筹旗喎。)本人觉得佢嘅目的系点,大家都应该好清楚,唔回应就系最好嘅回应,再问我一百次都系咁答,如果唔系答完又继续,何必呢?(总之唔理佢?)都系唔回应喇。(佢无风起浪?)大家自然有自己嘅观感,都系嗰句,事件对我哋冇影响!”
当被问到如何与Grace庆祝生日,嘉颖答:“我哋每年都去同一间餐厅食饭,已经7年喇,希望继续秉承呢样二人世界嘅传统。(送乜礼物俾太太?)未买喎,我唔系浪漫嘅人,同佢都好实际,平时见到啱对方嘅嘢就会买啰。(趁生日再追B?)唔使等生日先呀?咁咪一年先得一次开心?(生多个?)你问我老婆啦。”由于要凑仔关系,Grace未有陪老公出席首映,但嘉颖透露会陪她入场欣赏,谈到与陈静的亲热戏,会否担心太太呷醋,嘉颖谓:“唔好畀个窿我踩,咁我喺佢隔离,可以揿住佢嘅。”
|