艺人陈展鹏与张振朗昨日(19日)为无綫剧集《童时爱上你》宣传活动,女主角的高海宁(高Ling)和糖妹虽未能到场,但透过视像参与活动。高Ling透露已由内地返港,正在隔离中:“今次个角色好有难度,因为要饰演只有8岁心智嘅人,我怕太夸张就会畀人觉得我好作状,好在有展鹏、振朗同糖妹陪我一齐低能,令我唔会觉得自己太作状。”身在内地的糖妹自言已有一段时间没有拍剧,整个拍摄过程很开心,期间更爆出私下大家会昵称展鹏为“鹏鹏”,相当可爱。
​振朗称这个剧助大人找回自己的初心,又大赞拍档高Ling演得很好,十足一个小朋友,最难忘是拍摄时天气酷热:“我哋经常喺一架冇冷气嘅车入面拍摄,又唔开得窗,入面可能有成40度。(高Ling话你哋陪佢一齐扮低能?)唔止我。展鹏都要,我都估唔到展鹏可以咁搞笑,因为佢之前都系拍打戏多。”提到剧本拍摄时曾一度要修改,问到有甚么改动,他未有正面回应:“都系一样咁好,依家出街个版本几好笑。”张振朗透露正为新剧《灵戏逼人》,他称跟龚嘉欣久未合作,再度合作很开心,讲到该剧女主角原属李佳芯,问到未能跟佳芯合作会否感可惜?他说:“唔可惜,实有机会,公司对我好好,原本畀个视后我,依家畀个马来西亚视后畀我。”
父亲节同囡囡食饭
至于展鹏被问到是否因为家中有女儿,故特别有童心?他说:“每个演员都有童心,只系将潜在嘅发挥出嚟。”他指很久未有拍摄这类型办公室剧,觉得节奏快,又有靓衫着:“之前打咗啲,着嚟着去得一件衫,因为所有成本都用晒制作。(呢套剧可以畀囡囡睇?)呢套OK,其实拍摄嘅时候我都有将自己同囡囡嘅经历同高Ling分享,例如系耐性,因为小朋友系一张纸,乜都唔会明白。”讲到父亲节,他表示活动后会跟囡囡一齐食晚饭庆祝:“我要好好珍惜呢段时间,上年父亲节仲未感受到过父亲节,但今年就感受到,佢同妈咪去咗买礼物畀我。”
|