青出于蓝！谭俊彦遭狄龙训话 由严父变慈父

etin

“视帝”谭俊彦（Shaun）与仔女、父亲狄龙昨日（18日）3代同堂庆祝父亲节，Shaun受爸爸严格的教导下，耳濡目染对仔女更加严厉，连狄龙也忍不住出声：“唔好对啲仔女咁恶！”一句话令他由严父变成慈父，现时对仔女温柔得多。而最近于新剧《十八年后的终极告白2.0》演渣男入型入格的他，虽出名是“爱妻号”，即使在内地拍剧，24小时开住视像对住老婆，但竟然都惹来太太怀疑，全因太太“入戏太深”！

​谭俊彦的爸爸狄龙大侠形象深入民心外，亦出名对儿子管教严厉，就算儿子长大成人，去年台庆颁奖礼夺得双料“视帝”，也不忘在镜头前训示儿子5分钟。已经是一对仔女爸爸的Shaun在家教方面，严厉程度比起爸爸更加有过之而无不及，连狄龙也要开声叫儿子不要对仔女太凶恶，Shaun说：“喺佢耳濡目染教育之下，以前教仔女系好严，但系有一日照镜，发觉自己讲呢句说话咪变咗我老窦，总之你唔好问点解啦！问咁多做乜！同仔女讲呢啲说话最似我老窦同我讲。”

得到狄龙点醒，现时的Shaun已经“洗心革面”由严父变成慈父，会多了解仔女的性格、喜好，因材施教：“近两年开始改善，依家对仔女成个人都温柔好多，个人都从容咗，早两年系好恶嘅，嗰阵拍紧《十八年后的终极告白》又点会唔恶呢。依家明白我老窦点解成日话我吓亲啲小朋友，叫我唔好咁恶。”但他笑称与子女讲道理这方面则愈来愈似老窦：“讲一次唔听，咪讲十次，讲十次希望佢会记到少少入脑。”

入行22年的Shaun去年名成利就夺得“视帝”，随即到内地拍剧，他指这半年的“单身”生活却相当不习惯：“呢6、7年有个好健康嘅屋企，所以好唔舍得佢哋，期间太太有亲人过身，又唔能够喺身边陪佢，好担心，同埋觉得单身生活真系好闷，所以个心都会系想喺香港做嘢。”虽然真身不在屋企，但他自爆不用开工时几乎24小时也开住视像和老婆仔女日对夜对，靠科技弥补相隔千里的障碍，他说：“最惨系放假，放假我就冇嘅做，我又唔会出去玩，跑完步就成日对住视像睇住啲仔女练琴、阿妈发脾气闹仔、一齐视像食住饭参与。”

在圈中出名是“爱妻号”的他拍剧连瞓觉也开住视像，在异地的生活也在太太的掌握之中，但有次却因视像断线，惹来太太的怀疑，他笑说：“有次老婆第二朝问我做乜噚晚熄咗个视像，系咪夜晚出咗去，我同佢讲你系咪睇《十八年》太多，视像断咗线咋。”讲到正播出的《十八年后的终极告白2.0》亦透过背叛情节，带出夫妻感情问题，他说：“最重要系冇做，冇做咪冇事，自己亦好透明，电话佢锺意就睇，每晚同佢视像，老婆亦都要凼。”

另外，Shaun昨为新剧宣传，谈到剧中不乏情欲场面，Shaun即有感而发：“我除衫除咗好多年，都未食过一餐饱饭。”今日父亲节，Shaun透露要飞马来西亚工作，故昨晚提早与狄龙、仔女食饭庆祝。