英皇“龙虎豹”天后容祖儿同蔡卓妍(阿Sa)、锺欣潼(阿娇)情同姊妹,容祖儿昨日(16日)踏入42岁生日,佢身在内地开工,不过佢点会自己一个过,好姐妹蔡卓妍(阿Sa)、锺欣潼(阿娇)及霍汶希梗系陪住佢身边啦,佢哋仲偷偷哋为佢搞咗个生日P,除咗佢哋3个,连Sa爸都有惊喜现身,凼得寿星女容祖儿鬼咁开心。
霍汶希满心祝福咁留言,话会一直守护佢身边:“祖祖,我们蔡卓妍、锺欣潼给你准备的生日惊喜怎么样?是不是很惊喜,是不是很开心?今天是妳的生日,祝你万事胜意,好事一个接一个来,也希望你不止生日,而是每一天都开心快乐,继续在台上闪闪发光,好的作品源源不断,总之,我们会一直守护在你身边,希望八十岁、九十岁的生日还要一起过!”而阿Sa就留言话抢咗寿星女支蜡烛口嚟吹:“好开心今年终于吹咗你支蜡烛,欢迎你下次吹番我嗰支!#愿望一齐许#我嘅即系你嘅你嘅即系我嘅 ”
祖儿自己都上载咗一载玩气球新相,仲话今日系“幸福快乐日”,见佢喺室内被大量波波包围住,靓女得嚟又有童真,难怪网友都笑佢大一岁都仲成个小朋友咁,可爱到晕。
|