陈家乐卫诗雅再续前缘：一埋位就有火花！

etin

陈家乐于近日宣布向女友连诗雅求婚成功，好事接踵而来，家乐与卫诗雅主演的英皇电影《不日成婚2》日前亦举行开镜仪式，英皇老板杨受成更亲临主持，其他出席演员包括金燕玲、朱柏康、岑珈其、谈善言、杨偲泳、廖子妤、白只等。男主角陈家乐指《不日成婚2》开拍兴奋之馀也带点紧张：“今次角色演绎难度高咗，正如导演所讲，上一集嘅笑点，令我哋睇落好甜蜜，但今次嘅交流就要弹出弹入，意思即系突然好认真去演，但突然又要转换轻松嘅情绪，转折位需要时间去掌握。”

卫诗雅则笑言：“我同家乐讲过，如果大家唔系对手，换上另一个拍档，是唔会有一样嘅火花？我觉得有啲难度，戏中我哋系相识多年嘅情侣，毫无避讳，我哋私底下都系咁，所以一埋位就有火花！”新片另一好戏之人金燕玲亦久休复出，被封“配角天后”的她看来气场相当强劲。问到戏中饰演其儿子的家乐可会感到有压力？他说：“气场呢回事，都系大家同我讲，其实我觉得冇，埋位时佢好专业，懂得引领对手进入状态，或者对白上嘅节奏，佢都会给予意见。”卫诗雅则补充:“围读剧本嗰阵，佢有一种唔锺意呢个新抱嘅态度嚟帮我哋入戏，但当完成嗰阵，佢又会做番自己，非常亲切！”

家乐期待《不日成婚》能够成为系列电影一直延续下去：“导演答应我哋，如果有第3集嘅话，就会去外国拍摄，但好似冇女演员份……”卫诗雅飞快接上：“导演讲有啊，要加一场戏，就是捉你哋番香港！”她更大胆构想：“我幻想如果有一日，真实嘅我大咗肚，我好想挺住个肚嚟拍呢部戏，甚至（摄影师）跟埋我入产房，睇晒整个生仔过程。”家乐则笑言：“反而真嘅老公要喺外边等，因为拍摄中唔可以入嚟。”

而经历癌病后的金燕玲则透露自己被剧本吸引而复出，她说：“呢3年几，我得咗两次癌症，加上一次通波仔手术，因为心脏有条血管塞咗，但多谢上天一直看顾我，今日可以好舒服咁出嚟工作，都系上天保佑我嘅地方！”更承诺会继续接戏。至于朱柏康与岑珈其就继续参与续集，栢康希望电影能一直拍下去，笑言下半生要靠《不日成婚》；岑珈其则笑言要多谢主角‘Lak哥’（陈家乐），认真搞笑。