相隔22年︱两大影帝郭富城吴镇宇再合作 齐齐打大佬

etin

影帝郭富城（城城）、吴镇宇、任达华及方中信昨日（6日）到屯门，出席英皇电影《内幕》开镜拜神，场面相当热闹。原来今次是城城自电影《公元2000》后与镇宇合作：“相隔咗22年，而我同导演麦兆辉上一次合作系1996年《浪漫风暴》，当时佢仲系副导演，今次最开心系好多新知旧雨喺埋一齐。”城城于戏中扮演专打刑事案的大状，与饰演警察的镇宇齐齐“打大佬”，城城透露：“戏里面我除咗打官司外，仲要教小朋友跆拳道，所以呢排努力咁压吓腿。今晚我就会喺度（开镜地点）同镇宇打坏人，希望呢场戏一个星期拍得晒！”

镇宇早前已拍摄了一场“屋顶穿梭戏”，搞到要休息整整一星期才能回气，难怪他笑指这场“捉坏人戏”要交由替身代劳。对于角色原本由林峯出演，后来考虑陈伟霆，最终落入他手中，镇宇表示：“冇所谓，我都系锺意个组合，同埋可以留喺香港开工，最紧要准时出粮啫。佢哋（剧组）用咗好多说话嚟安慰我，我都同佢哋讲唔使喇。”另外，城城于刚过去的瑞午节带两个囡囡去踩水上单车，他不禁失笑说：“本来系囡囡话想睇赛龙舟，我咪带佢哋去赤柱啰，点知去到先发现赛事已经完晒！跟住改咗同佢哋去饮嘢同踩艇，佢哋都玩得好开心。”镇宇即搭讪：“唔紧要，迟啲有国际龙舟赛，到时再睇过！”