关心妍自爆曾经考虑过领养 感恩竟然生得出

etin

关心妍（Jade）与周志康为无綫节目《日日妈妈声》第二辑担任嘉宾，现育有一女的Jade透露婚后约一年已开始为生B努力，可惜一直徒劳无功，令她一度心急如焚：“啱啱开始试咗两、三年都冇，当时都仲未心急，但到到第三、四年就开始觉得‘系咪有事呢？’去到第六年，我就同自己讲如果等到四十岁都冇，嗰时我已经三十六岁，咁不如领养啦，我哋两个都好锺意小朋友。”想不到一年之后却意料之外传来好消息，令Jade一度难以相信：“好感恩，会觉得‘等咗咁耐，你终于嚟到喇！’”

她又大方分享了“佗B亲子三部曲”：“我每日都会同佢倾偈、唱歌同祈祷。”她又分享了囡囡的神奇“胎前记忆”，并坦言一度被冧至爆喊：“唔知真定假架，囡囡讲架啫，但我做妈咪听到系冧到不得了。大家知我等咗佢七年，我每晚都会陪佢瞓嘅，嗰日我忍唔住多谢佢嚟到呢个世界上，又话我真系好锺意佢，点知佢无啦啦弹咗句：‘我都等咗你好耐啦，我喺旧云上面等你，Jesus喺嗰度畀我拣（妈咪）。’我问佢你点知系我？囡囡话：‘你粉红色头发架嘛。’咁嗰时我演唱会嘅发型真系粉红色头发嘅，嗰晚我叫完阿囡瞓，就冲出去搵老公爆喊，好感动！亦都想鼓励番妈妈们，你等紧BB之馀，其实佢都等紧你。”

另外，被指是“佛系爸爸”的周志康笑言一早已打算早婚并对婚姻充满期盼：“我系细仔吖嘛，我由细到大都好想有人畀我照顾，咁我依家屋企有三个Queen畀我照顾。我系最纵两个女嗰个，亦系最恶嗰个。”问到志康两名女儿有否曾经认错他和孖生哥哥周志文时，他坦言从来没有，反而老婆认错过一次：“因为佢唔知我系孖生，嗰时佢第一次上我屋企，我咁啱整紧嘢，我阿哥去开门，佢就奇怪点解呢个人咁熟悉又咁陌生嘅。”