丁子朗当住马国明面迷恋汤洛雯 视麦明诗为另一女神

etin

“小鲜肉”艺人丁子朗系唔少人心目中嘅男神，曾自爆视“靓汤”汤洛雯为女神嘅佢，昨日现身好友陈敏之嘅网上频道节目，不但坦言冇避忌汤洛雯有男友，继续“迷恋”对方，更“加码”大爆原来心目中仲有另一位女神！节目中，丁子朗对汤洛雯赞不绝口：“因为我觉得靓汤真系靓啦，同埋靓啦，真系靓嘅，外表完全系......优！”问到有冇眼红对方男友马国明，佢就直言：“唔会，但我成日同佢讲‘我好锺意你女朋友呀。’”

至于另一位女神，原来系十优港姐麦明诗，佢表示：“我好锺意佢嘅才华，10A已经系叻啦，同埋佢思想方式同一般大家平时生活中接触嘅朋友有啲唔同，佢处理啲问题、危机，佢嘅睇法系唔一样㗎喎。”佢续指遇到难题时，都会向军师麦明诗请教：“入咗行之后，譬如我好多谂唔通嘅位，我都真系会搵佢，我会打电话畀佢，‘你觉得点呀呢啲位？’畀人影到喇，第二日见Press，我问佢‘我应该点答呀？’佢就话‘你度定呢个答案啦，呢个答案风趣得嚟又唔会死，啲记者又锺意你，问完之后又会收声。’”