翁虹14岁爱女古装渗灵气 阿妈留言疑御准入行

etin

艺人翁虹爱女、14岁嘅Crystal（刘莳）未出道已惊艳众人，早前因为同妈咪一齐影靓相而令网友惊鸿一瞥，自此踏上网红之路，大批网友涌入佢社交网，关注小妹妹嘅日常。Crystal昨日（25日）凌晨就上载咗多张年初跟住妈咪翁虹去影嘅古装照，见佢灵气逼人、眼神楚楚动人，束起发髻、着上粉色飘逸长裙，温婉又有气质，佢仲搞笑自爆当时横店劲冻，佢仲以为出嚟效果会麻麻，令佢好感叹做演员唔容易。

网友见到辑相之后，即刻称赞佢有Model潜质，，连阿妈翁虹都大赞：“让我眼前一亮，比想像中的好！很多人都会被演艺圈的光鲜亮丽及虚荣心给迷惑却都忽略了当中的艰辛！你在阴冷的天气只拍了一组写真就深有感悟妈妈觉得很欣慰！因为只有深刻体会才能真正明白每个行业都需要不断的努力。”一段深情对话，搞到网友都估佢系咪御准囡囡入行，仲话等睇Crystal大个女可以同翁虹有影视合作，洁净眼球。