圈中秘闻︱陈敏之大爆艺人万岁都有行规：唔系斗叻

etin

女星陈敏之依家积极大搞影片平台，人气同口碑都有质素，最新一集佢就大爆圈中秘闻，解构“艺人万岁”行规，当中佢就提到原来万岁都要“分辈分”：“剧集入面我哋系咁样分，你千奇唔好冇啦啦话万岁，即系我哋呢啲做𡃁嘅，我哋自己会分，系一种尊重，唔系斗叻，我谂系一个行规。我记得当年拍《富贵门》，真系好富贵，劲多超红嘅演员，罗嘉良、郭可盈、袁咏仪、戚美珍，数唔晒！无论去到边，佢哋乜都万岁，一定系请晒全crew人、全厂，甚至系化妆间同服装间，好多人，佢哋会叫助手去唔知边间跑马地嘅茶餐厅买啲好好味嘅蛋挞或者好正嘅咖啡奶茶，几箱箱咁搬入嚟请大家食。”

当中佢拍摄《溏心风暴3》时，就被关菊英照顾得好好，大赞对方好人：“佢系不停请我哋食嘢，好大方同好Shareing，司琪姐（李司琪）又系。依家就系啲男女主角轮住请，其实开工都几开心㗎！”而佢拍摄《黯夜守护者》时做火锅店老板，因此会喺开工前买餸，设到公司就不停打边炉：“由开厂打到天光，食到顶唔顺，江嘉敏应该有肥，其实佢系有肉地，佢系Baby Fat，佢系容易肥，所以佢成日见到我都话我累死佢。”佢又自爆原来食量惊人，不过圈中女星就得李彩华可以同佢一较高下，二人曾一餐叫8碟餸，即被单立文形容为“大食死女包”！