庄思明享受隔离生活 佛山叹尽美食预咗要还

etin

艺人庄思明现时于佛山为无綫新剧拍摄中，同行的还有男友杨明、家姐庄锶敏、姚子羚、蔡洁等。已到达当地约一个月的她，坦言酒店隔离生活比她想像中简单，反而有点享受，她说：“初时都觉得有啲唔惯，全日得自己一个好静，后来反而OK，有规律咗，因为会自己安排嘢做，我每日都会做运动，食嗰方面，会控制食量，初初会食午餐、晚餐，之后就连晚餐都唔食，免得隔离完会肥咗。”她指现时已进入工作状态，空间时就会去做运动：“呢度太多美食嘞！样样都想试，所以我已经Join咗健身院，勤力啲做运动，食完都冇咁大罪恶感。我都有周围行，我好锺意行超市，所以都有成日行吓！但疫情关系，都唔会行得太远。”

见唔到爱犬BB最后一面

思明家中多只爱犬，她坦言最不习惯就是见不到它们，尤其是柴犬Haru：“我知佢好嬲，我同佢视象时，佢用个Pat Pat向住我，又唔望我，工人姐姐话佢每晚都会喺门口等我，有时仲会喊，听到都心痛，所以我都有同佢讲，我去赚钱买嘢食、买玩具畀佢，又会叫工人姐姐播我把声畀佢听，等佢唔会唔记得我把声。”最令思明不开心的，就是当她出行期间，家中最老、年届20岁的爱犬BB离世，她出发前都有提早为BB庆生，当时BB还很精灵：“佢太乖、太懂事嘞！好遗憾佢真系等到屋企冇晒人先静静咁走，佢唔想我哋难过，挨到我哋唔喺屋企佢去汪星球，自己送唔到佢最后一程，真系好难过。”