被陈敏之大爆身家过10亿 Bob吓到爆粗：你都黐线！

etin

有“金牌司仪”之称嘅艺人林盛斌（Bob）近年工作量大增赚到盆满钵满，更愈住愈富贵，早前再搬入九龙塘豪宅新居风水屋引起热议，佢亮相好友陈敏之影片频道节目，分享自己愈住愈富贵，由旺角蜗居搬到九龙塘豪宅嘅致富之道，佢透露全靠后生时斥资逾90万元，买入旺角女人街一个逾200平方呎嘅单位，之后楼换楼，赚到钱又再买入其他单位用作放租，终由600呎搬到900呎，再搬到加多利山，最后升呢住九龙塘豪宅！

至于讲到Bob嘅身家，陈敏之就大爆保守估计起码有10亿，吓得Bob即急忙否认：“你觉得我会唔会话畀你知？紧系唔会啦！（10亿）你都黐线，仲做呀？绝对唔系，但我冇特别去计算。”虽然佢未有透露实际数字，但亦表示有意将生意上市：“特别呢几年，多咗留意到底点样投资同入股去啲咩公司，暂时投资嘅生意就算赚蚀都会继续，一定需要时间去经营。”可见财力雄厚。