江嘉敏失恋有得着 认唔经历过唔识成长

etin

近期受“双伤”困扰的无綫小花江嘉敏，宣布与电竞高层男友Anthony甩拖，3年情已逝，有指男方出轨“偷食”，加上她为单元剧《神奇的灯泡》学电单车时跣低，令小腿骨移位及骨裂，“情伤”与“脚伤”双重夹击！脚伤能随时间而愈，情伤又是否已放低？她说：“过去就由得佢，每个人都要经历呢啲阶段，唔经历点会成长。学到嘢，每个人都会喺唔同阶段学到唔同嘢，现阶段努力工作先，同埋养伤。”

开工晕低响警号

但她强调所指的是脚伤，并非心伤：“呢个伤系警号，系时候照顾自己身体，之前已经有个信号，但系冇理，上镜有啲多肉，就节食戒淀粉质，结果唔舒服喺厂晕低，到今次骨裂，朋友话唔好睇小，后果可以好严重！”脚伤令她体会很多，亦得到不少朋友关心，对于开始新感情则顺其自然，认为缘分不能强求。江嘉敏在近期热播的剧集《食脑丧B》中首度孭飞做“女一”，扮演社团人士的女儿，角色Cool到爆，与何广沛戏里戏外也是欢喜冤家。多得一班好拍档，令她孭飞压力大减：“冤家戏份绝对冇难度，我哋成日润嚟润去，呢个系我哋嘅沟通方式。”又自爆与“师兄”何广沛拍亲热戏少NG，但最难是忍笑：“拍喜剧竟然畀人要求唔好笑咁多！NG最多就系忍唔到笑！”