瞓波波池获周志文赞靓 刘佩玥冧爆：因为幸福

etin

艺人刘佩玥（Moon）经常嘻嘻哈哈笑容满面，畀人有“大笑姑婆”嘅感觉，佢喺社交网甫咗几张之前工作时喺波波池玩嘅相，留言：“看一下之前工作时的照片，哈哈 ！很傻很开心的自己哈哈！最近感觉每天用电话的时间少了，书看多了思考多了时间好用多了心情舒畅多了，有时候大概习惯子被甚麽牵著走，忘了自己可以建立另一种习惯，不过有些习惯还是不改的好，就是笑！哈哈！来！笑一个吧。”

​阿Moon睇番啲相见自己笑成咁，话自己都忍唔住笑，不过佢又啱喎，人生嘅嘢正所谓开心又系咁过，唔开心又系咁过，当然系笑住嚟过着数啲啦，网民都似乎好认同佢呢个想法，纷纷留言赞佢笑得好甜，叫佢一定要Keep住呢个习惯，而好友罗天宇就留言：“我锺意最后嗰张”，不过睇番张相系阿Moon将啲波波抛起晒，完全见唔到佢个样嘅，睇嚟天宇都畀阿Moon嘅笑容感染到，学识放吓笑弹引大家笑喎。至于绯闻男友周志文都留言大赞“笑得好靓”，Moon更回覆：“因为幸福”，表现暧昧。