许廷铿演出遭神秘声音骑劫 获乐迷鼓励重新振作

etin

许廷铿日前（24日）为《CHILL CLUB推介榜 年度推介21/22》担任表演嘉宾，演唱《修罗场》时，网上直播突然出现工作人员声音，有人不停讲：“放心，你听我讲好Prefect，睇整体。”吓亲不少网民。而许廷铿完成演出后得知此事，亦坦言对演出被“骑劫”感不快：“睇番演出的直播，容许我真系有小小唔开心，唔系想怪责，但系花心机时间彩排演出，就系希望尽善尽美，可以令观众视觉听觉有享受，喺台下一路做观众，我都真心觉得个show好正，所以更加想做好自己嗰part。我仍然相信大家在努力，为著令观众知道表演是一门专业的学问，好啦，冇咩事我继续努力准备出碟的事宜。”

大批网民即纷纷向许廷铿送上鼓励说话，亦令佢意识到原来有咁多乐迷支持自己，成就另一种遗憾美，佢表示：“撇开自己的执念去看开，要求事事完满的强迫症，意外换来更凸显的支持，咁样其实都有可贵之处。 讲真主动dm都需要勇气，何况随时系素未谋面嘅，都会惊食柠檬或被漠视，所以你每一个like同 emoji，其实我都觉得值得回应。”佢续指落力演出都系想得到乐迷回应，如今不完美嘅演出反而换来更好嘅效果，令佢感叹错有错着：“反而可以知道原来好多人著紧爱乐坛，呢样就已经系最好的事。还是要多谢ViuTV的应对，网上重温版本已经修复，听大家讲话系very perfect，我都相信依家个颁奖礼，‘成件事整体系正㗎！’”