自爆背李施嬅Flirt石咏莉 邓健泓受访片离奇下架

etin

艺人邓健泓与老婆石咏莉2013年拍拖并于2017年拉埋天窗，相爱9年向来恩爱，早前佢亮相陈敏之影片频道，自爆原来早于2007年已对石咏莉心动，更曾经出招调情甚至相约食消夜，惟当时佢正与李施嬅拍拖，虽然未有进一步行动，但佢都直认贱格：“我第一次见佢（石咏莉）系喺《劲歌金曲》，我做完《劲歌》后......呢啲咪贱格啰！我传讯息flirt（调情）佢。

​因为我嗰阵有女朋友，我只系flirt佢。我知佢住西贡，嗰度有间麦当劳，我约佢食消夜，佢话‘好呀’。但始终有个问题唔系好好，我有女朋友......结果讲完就算，因为我惊！坚惊！所以当佢系朋友，07年后无再沟通。”续指至2012年回复单身，偶然听到石咏莉网上翻唱歌曲，才鼓起勇气重新联络，终修成正果。

虽然邓健泓都认晒“衰仔”，但此言一出照遭到网民炮轰，纷纷闹爆“渣男”，惹来大量负评，近日更有网友发现该集片段已神秘下架，怀疑有人“玻璃心”要求将片段消失，对此陈敏之表示系技术上错误，好快就会将片段重新上架。