懒理心脏疑出事 周杰伦豪饮过百万红酒当补身

etin

天王周杰伦上周自爆紧急入院吊针，仲话可能系恐慌症或心脏出问题，搞到一班粉丝鬼咁担心。冇有怕嘅佢已经极速复工，前晚（15日）佢就上载自拍，写道：“工作结束有点累，但今天很值得。请期待《周游记》吓疯大家。”估唔到天王见攰唔系抖吓，而系开咗支红酒抚慰一天嘅疲惫，一口气饮晒过百万台纸嘅靓酒！见佢晒出嘅“Henri Jayer”红酒，专登拣嚟佢出生年份1979年，仲称之为“帅哥的年份”。已故酿酒大师Henri Jayer被封为勃艮第之神，周杰伦豪饮嘅1979年份酒，其价格就要109万元新台币（约29万元港币），真系衬晒佢天王身份。