凭《金宵大厦》饰演癫婆“何太”一角而首获“最佳女配”奖的赵希洛,在《金2》中迎更高难度演技外,复遭虐打至入院,要接受多个月物理治疗,虽康复逾年半,但受伤堕地一刻仍记忆犹新,爆Seed话若有“三长两短”定要行凶者黄建东负责:“佢要养我一世”。
赵希洛的大律师角色Jessie贯穿剧集《金宵大厦2》,偕黄建东合演单元《对倒》时,人物性格来个360度大转变,疯狂度不逊于“何太”,她说:“其实‘何太’都唔系咁癫,只系恐怖啫,不过喺单元入面嗰个平行时空嘅角色就好狂野,个夸张度系一嚟就去到100,唔怕观众将个角色同‘何太’比较,每个角色都系一个生命,只要睇唔到我系赵希洛就得架啦,我觉得呢个角色系我入行以来,同自己个性格最大距离,同埋嗰个角色个妆、啲衫都好唔同,我仲自己设计咗彩蛋,就系‘戚戚’哋嘅嘴,唔笑都好似笑咁。”
虽然拍剧时未有如闺密李施嬅般遇到灵异事件,但早前她已自爆被虐打到入医院,原来“催花者”正是拍档黄建东:“有场戏系由朝打到晚,搞到全身伤晒,初时怕麻烦唔用垫,但打打下真系好痛要摄垫,最记得佢用道具铁板打落嚟,突然我觉得自己好似拍慢镜咁跌咗落个铁堆度,起番身脚肿咗要敷冰再拍埋佢,我好后悔冇换平底鞋先扭亲脚。”之后因被打到攰,驾车回家经红隧时“瞌着”险酿车祸,最终要接受多个时物理治疗才告痊愈,问可担心伤脸:“如果有乜事,佢要养我一世,但我唔会嫁畀佢。”
至于入行14年未尝当女一滋味,她觉得做女主角要集天时、地利及人和。性格较宅、不爱出外交际自找机会的她表示:“我都恨做女一,但有啲怕丑唔会自荐,不过如果畀我拣做‘女一’定做有发挥嘅‘女二’,我一定拣后者。”
|