关嘉敏晒伤似烧猪 唔锡身挂住行山影靓相

etin

女子组合Bingo成员关嘉敏（Carman）近日原本打算尝试挑战行城门水塘，可惜出发前一日发生一死一伤意外，所以朋友有啲惊临时改变行难度较低嘅行山地点龙脊。不过Carman挂住行山影靓相，晒伤周身骨痛，真系惨惨猪！事缘当日Carman同朋友相约一起出发，到达山顶时正值中午12点。由于山顶嘅景观优美，Carman即时搵地方好好欣赏眼前美景顺便打卡，但系百密一疏，以为太阳伯伯好温柔，点知只系片刻就“中伏”。Carman着背心膊头全部晒伤:“我冇谂过咁晒，只系一阵间就晒伤晒，着衫痛，冲凉仲痛，红到好似烧猪，唔可以搽芦荟，而系要搽烫伤膏至得。”

Carman不惜代价喺瞓喺山边影相表示：“嗰个位系好安全。其实睇就好斜咁，其实只系影相嗰位朋友攞咗个好角色，嗰度只系微斜，同埋我试过喺安全先瞓喺度影相。”她补充自己所在嘅位置再落啲就好危险，Carman话：“因为冇手套同绳，所以唔敢行落去，但都见到啲朋友仔落咗下面影相。”

Carman有“行山控”之称，温馨提醒各位行山真系要小心，如要爬山记得带用具：“要戴手套，绳，爬山鞋都好重要，要着个鞋底冇磨蚀嘅爬山鞋，因为啲山好多沙石，如果着普通运动鞋易跌、跣同扭亲，仲有我发觉爬山背囊好重要，可以减轻重量，当然都唔好带咁多嘢去爬山，因为负重时会易跣落山。”此外，Carman仲提醒行山者勿贪快而行捷径：“政府封咗嗰嘅路，其实系未经葺过，好有危险性，沙石又较多，又冇嘢扶，如果唔系专业或成日行，真系好易发生意外，所以要尽量避免。”