舒淇遭爱猫扑面笃魂精 网民担心女神被毁容

etin

性感女神舒淇出名系猫奴，迷倒万千男士嘅佢，喺爱猫面前却咩女神形象都荡然无存，佢喺社交网晒出玩猫照，见佢抱起猫猫打算合影，但爱猫就完全唔畀面，不停反抗，更使出“猫猫拳”，双手扑向其面上，猫猫左前脚覆盖住舒淇嘅左眼及左鼻翼，右前脚就对准太阳穴出击，令舒淇极为狼狈，皱起眉头面容扭曲，不过佢似乎相当乐在其中，视猫猫为“甜蜜的负担”。​网友都指呢个奇趣画面劲搞笑，但亦指猫爪未经修剪或会伤人，担心女神靓样会被刮花导致毁容，纷纷表示：“猫大哥！请放开我女神，有事冲我来！”、“女神小心毁容！”、“小心脸，别伤了漂亮面容”。