张馨月孖林峯拍拖Sweet玩情侣自拍

etin

艺人林峯老婆张馨月及囡囡“格格”最近嚟咗香港，陪林峯为新片《九龙城寨．围城》开工，依家做咗佢半个家，平时佢都已经识行识叹，估唔到佢依家对于香港嘅拍拖胜地都一样咁熟，昨日（11日）就上载一辑同林峯去到Figrue铺拍拖嘅自拍相。见张馨月一口气晒出11张约会靓照，仲要唔系普通用电话自拍，而系有备而来带埋相机同老公林峯甜蜜对镜自拍！对拍拖一事劲上心嘅张馨月，佢仲以一条Deep V连身短裙仔上阵，力Sell青春活泼又Sexy嘅一面，等老公见到都开心到晕。张馨月留言：“童心未泯，稚趣依旧，其实我们都是—不小心长大的孩子。🌞”自己嗌自己系小朋友，睇嚟佢都好识捉老公心，知道林峯Like玩具店，即刻陪佢去。