薛家燕、前港姐胡家惠、蔡洁雯等昨日(5日)在长沙湾出席支持抗疫活动,家燕姐以“Captain Nancy”身份带头支援基层家庭,身为汤包店老板的胡家惠则捐赠汤包。家燕姐指疫情下大众留家抗疫多时,大家要多关注情绪问题,她分享凼自己开心的方法 :“我就教个孙跳十字步,教佢唱《皆大欢喜》,呢排仲睇好多周星驰嘅戏,睇返《食神》都好好笑,几十年冇打麻雀,叫埋两个菲佣一齐打牌,唔计钱玩吓过日辰。”
讲到“独臂刀王”王羽离世,家燕姐感难过,希望他的家人节哀顺变,她说:“未同佢合作过,当年佢拍国语片,我就拍粤语片,都好耐冇见佢,之前做《流行经典50年》同王馨平见面都有问候佢,都知道佢近年身体唔系咁好,好难过,佢系电影界一位武侠巨星,个人好有仗义气概,好锺意帮人。”胡家惠与同属2002年港姐的蔡洁雯相当老友,不时见面,胡家惠透露由疫情开始已经一直送赠汤包给基层,而老公开设消毒服务公司的蔡洁雯亦亲自到劏房为地区人士消毒。讲到同届港姐近况,胡家惠指早年有去过美国探望冠军林敏俐,而亚军左慧琪已经是一对孖仔的妈妈。
|