女星郭思琳早前闪嫁吴浩康(Deep),又宣布双喜临门,未结婚前两人表现低调,从未试过在社交网晒爱,但婚后则大方得多,早前思琳就上载两人合照,并留言:“多谢老公抽时间陪我,每次照超声波都好期待。”Deep婚后人都变得成熟,好疼锡太太,知道太太锺意食麻辣鸡煲,虽然佗住BB,食辣嘢好似唔多健康,但为满足太太过吓口瘾,特别叫个外卖鸡煲返嚟,同老婆喺天台叹鸡煲撑枱脚。
思琳在社网上留言:“今日老公静鸡鸡畀咗个惊喜我,就系准备咗麻辣鸡煲我食吓辣嘢,仲皇恩浩荡畀我食中辣,我想讲,啖啖肉之馀啲配料都好正啰,不过对于我嚟讲,中辣都系唔够辣啰,但系有得食我已经好知足㗎喇,等我生完我要食特大大大大大辣。有朋友留言好正,但话佗B时食辣嘢真系好开胃,思琳即回话:“系啊,尤其是孕期太多嘢要戒口,忽然有得食吓辣,简直系上天恩赐呀。”
思琳又指怀孕令到啲贺尔蒙变晒,搞到她面红红成脸粒粒,皮肤前所未有咁恶劣,依家真系唔化妆出唔到街,无美图唔见得人,医生话要生完先会变番正常,有无啲妈妈同我一样有同样嘅烦恼啊?你哋又会有啲咩方法令皮肤calm番啲?求赐教!!!
|