无綫剧《轻.功》近日复工,岂料前天(1日)演员蒋祖曼在开工前接受快速测试时疑初步确诊,剧组即急急停工一天,不过昨天其他演员已复工。《轻》监制黄伟声就此事回应,直认蒋祖曼确诊一事:“每一日开工都会做一个快速测试,要确定未有确诊先可以开工。前日蒋祖曼开工前做快测,佢就有第二条好蒙嘅线(即初步确诊)。为安全起见,剧组就煞停咗一日,而日前同过蒋祖曼拍嘢嘅演员私下再进行快测、核酸测试等,包括黎耀祥、朱敏瀚同朱晨丽,佢哋都冇事,昨日佢哋(除蒋祖曼外)都已经复工。”
黎耀祥就事件回应:“系收到消息佢可能确诊,公司都有停厂消毒,我都唔使开工。”对于日前曾跟蒋祖曼拍戏,祥仔则表示:“冇乜话担唔担心,因为同场都会有啲距离,希望蒋祖曼冇事,多谢关心。”并指自己已做核酸检测,没有确诊,感谢大家关心。朱晨丽表示亦已做核酸检测,未有确诊,亦已开工,惟佢仍表示感担心:“我返到屋企都唔敢除口罩,因为屋企都有猫猫,喺间屋度喷消毒,都已经开番工,会再加强保护,做足安全措施。”朱敏瀚则表示:“我去咗检测 冇事呀 有心有心”而佢会开工拍摄。
|