洪永城爆前女友介意知己黄翠如 唐诗咏成嫌疑人

etin

艺人洪永城去年同老婆梁诺妍成婚并诞下一女，爱女Amber刚刚出世100日，太太仲晒出同老公似足饼印嘅爱女Cutie相，婚姻美满又幸福。近日洪永城接受J2节目《人夫放假约出去滚》嘅林盛斌（Bob）访问时，就提到佢同黄翠如系多年好友，二人有如萤幕情侣一样，直至二人各自搵到另一半先令绯闻终止，点知节目中，洪永城就罕有透露以前曾有女友怀疑佢同黄翠如系咪真系“挞着”，更搞到二人心中有条刺！

洪永城讲到当年初入行，被幕后嫌佢中文唔好，唔识望镜头又唔够搞笑，佢直言好Hurt：“亦都系咁嘅环境下，日日夜夜畀工作人员、摄影师问候屋企人，慢慢就成长。”佢又同好友陆浩明（6号）请教主持技巧。到后来佢同黄翠如开始合作，慢慢由最佳拍档变“银幕情侣”，深受观众喜爱，洪永城自爆︰“嗰时拍拖个女朋友都有少少担心㗎，话我同佢咁合拍嘅，你两个喺萤光幕面前咁夹嘅，你哋有冇嘢㗎？（你点话佢知呢？）我对佢冇，佢对我……（就唔知啦！）系啦！”Bob再追问佢有冇曾经有一刻锺意黄翠如？洪永城静几秒后答︰“呢个答案可能会令到你觉得失望，冇！（真系好好嘅朋友、好兄弟？）冇错。（好肯定？）好肯定，真系冇！真系工作伙伴嚟咋。（黄翠如都系一个靓女，佢唔系你锺意个类型定咩？）但系我真系唔知道点答你，唔夹就唔夹，唔系佢性格有咩问题或者缺陷，去到话女朋友，大家都冇呢种感觉，就冇呢种感觉㗎喇！”

洪永城反而提到自己同黄翠如深厚嘅友谊，互相支持又同渡难关，洪永城指自己加入TVB后，黄翠如因为某啲原因唔开心：“大家会连续几晚讲电话，佢嗰边又喊，我又感动，大家一齐喺度扶持，你有啲咩事，有我喺度，我将来有啲咩事，你又可以帮助我，因为佢一个女士喺娱乐圈其实真系唔容易。”Bob续表示洪永城近年面对唔少舆论压力，或网民批评，问到当时佢嘅“最佳女朋友”有冇支持他？虽然Bob未有指名道姓，但网友就猜测曾有该头衔嘅唐诗咏，洪永城话︰“都有嘅，好紧要嘅，一齐去经历吖嘛，不过好可惜，始终好多嘢都有条刺，好难去再修补创伤，继续行落去，都冇办法嘅，缘分啰！冇缘分都冇办法！”

​节目播出后，唔少网友都猜测该位前度就系有“绝世好女友”之称既唐诗咏。其后，诗咏昨日（30日）就喺社交网非常感慨咁写到：“在人生旅途中，能够遇上有人真心为你担心，真心为你伤心，真心爲你开心，真心为你付出的机会率是多少？幸运地，多年前我遇上了一段纯真友情、不带刺的，麻烦那位女生把带刺的榴梿拿回来给我爸爸吃。”更贴出与圈中好友黄翠如嘅闺密照，未知诗咏系咪想出Post回应该传闻。