“大龙生”复工！罗乐林病征轻微唔辛苦

etin

电视城早前爆疫，其中处境剧《爱．回家之开心速递》嘅“金城安”周嘉洛及“大龙生”罗乐林先后确诊，日前周嘉洛率先复工，为剧集《回归》、《曙光》开工，至于罗乐林近日亦正式复工，重返《爱‧回家》呢个大家庭！佢接受访问，透露自己病征轻微：“喺个过程入面我又唔系觉得咁辛苦，可能因为我有做运动嘅关系啦，流少少鼻水同几声咳，我又觉得我自己又冇乜嘢，唔辛苦，但既然咁样系中咗嘅，咁咪要面对啰。过咗3、4日之后我自己再Check已经冇嘢，咁我都守规矩嘅，嗰10日我都冇出过街。”佢续指收到《爱》一班“仔女”嘅慰问，又指剧中饰演佢细仔“风少”嘅陈浚霆非常有心，送上一大车物资：“8、9袋嘢，10几个人都食唔晒，乜嘢都有，啲煲汤料、蔬菜、肉，仲有检测器，都真系好孝顺我呢个爸爸。”