潘灿良谂起生仔就惊 周家怡宁嫁单亲爸爸：悭番唔使佗

etin

艺人周家怡与潘灿良于新剧内齐齐“凑仔”，大赞童星们聪明，不过却异口同声表示当父母责任重大，未有打算接受挑战。家怡自嘲身边“乌蝇都冇只”，容易凭感觉动情的她觉得目前“最安全”。​家怡与潘灿良于ViuTV新剧《反起跑线联盟》内分别演单亲父及单亲母。剧情交代潘灿良发现与家怡相当啱倾，竟借故亲近对方儿子展开追求。二人大赞“儿子们”聪颖，搞到他们对照顾小朋友改观，不过却异口同声未打算改变初衷“挑战”生育，潘灿良坦言：“都过咗（生育期）啦，好佩服够胆生仔嘅，呢个责任维持一世，会担心自己做得唔足，所以谂起都惊！”

未婚的家怡随即接口：“我试过带契仔去主题乐园，返到嚟发开口梦话自己好攰！坦白讲生得都想自己凑番，唔做嘢就要有一定嘅经济基础，所以都有啲却步。”问到自称单身很久的她，会否考虑与带子洪郎交往，她即爽快回道：“系又冇乜所谓呀，悭番唔使自己佗同生添，去到我哋呢啲年纪仲边有得你拣。（唔心急拍拖？）过咗嘞，完全冇追求者。（要求对象有乜条件？）我好衰，锺意凭感觉，好易跌落去、跌得好深，一啲都唔潇洒，所以真系惊咗，反而依家（单身）好安全。”

她坦言初恋拍足8年，后来因“感情淡咗”变回陌路人，至今记忆犹在。当问到今次如何学当“人母”时，家怡笑答：“我喺屋企日抱夜抱洋娃娃去攞感觉，搞到父母以为我黐线，哈哈！同埋成日幻想自己佗B啰。”她又指与多次合作的潘灿良相当有默契，绝对合作愉快。而潘灿良则自爆即将当“量地官”：“下半年暂时未有工作安排，即使过往两年疫情最严重时，都未试过咁，不过我觉得唔算好差，比好多人幸运嘞。（利用时间陪太太苏玉华？）我哋会煮吓嘢食，留喺屋企睇吓戏，乜都倾得一餐，有啲夫妻话已经冇嘢讲，其实系睇吓你想唔想倾嘅啫。”