连诗雅太瘦被嫌“劖手”：试过有另一半用我啲骨按摩

etin

艺人连诗雅（Shiga）以及杨诗敏（虾头）近日邀请李炘颐（Alina）做佢哋网台节目嘅嘉实，同大家探讨“女人味”嘅话题。Alina表示问过男性朋友，佢哋睇女性身材同脚嘅比例都系“五十五十”，Shiga就表示虽然身材窈窕、有长腿，但都试过畀人嫌弃太骨感，仲自爆：“试过有另一半用我啲骨按摩！”非常搞笑。而虾头就自认有肉地，仲自豪咁话：“有肉地嘅女人其实好有Market，因为唔“劖手”，男人觉得好好揽！”

而Alina亦喺节目透露好多人对佢嘅第一印象都系好Cool，但识耐咗就发现佢傻傻地、几可爱，而Shiga即时身同感受话自己都系咁，仲话：“但系你（Alina）嗰种唔会即刻畀人见到，但我系一讲嘢就死，好快露晒馅。”其后佢仲大爆之前同林盛斌（阿Bob）一齐拍节目时，畀阿Bob话︰“阿连，你唔好再扮聪明啦，你就系要畀人睇到你真实嗰面，你就系蠢啊嘛！你唔好再扮聪明。”搞到全场爆笑。