郭思琳惊爆大住肚确诊 全靠老公吴浩康悉心照料

etin

英皇歌手吴浩康（Deep）与“格斗女神”郭思琳双喜临门，日前于贝澳举行婚礼，大家都戥他们高兴，不过，昨日（18日）有指原来大肚的思琳确诊新冠肺炎，令不少人都大吃一惊，吴浩康即为此事解说，原来太太已经康复了一段时间：“首先多谢大家关心，尤其长辈以及亲朋好友，佢（太太）系2月底确诊同埋有咗BB，所以我哋用最天然嘅方法，食中药去处理，可以照顾到胎儿同妈妈嘅身体，因为屋企有老人家，思琳都好担心我爸爸会被传染，所以自我隔离咗14日，早晚都会做检测，好彩喺婚礼前好番一段时间，明白报道会令大家好紧张，同埋都担心屋企长辈会吓亲，所以要讲番个情况，放心，我同太太都平安，爸爸身体状况Ok。”

郭思琳亦补充指自己一直以来病况都属轻微，她谓：“由验到中招到转番negative总共7日，好彩都系轻症，流吓鼻水同有几声咳...不过我都系稳阵啲隔离足14日，因为我同老爷一齐住，都会担心影响到佢，所以都比较小心。好彩最后老爷同老公都无事！今次居家隔离全靠我老公一手包办晒我嘅起居饮食，定时全屋消毒，同埋佢都好惨啊，瞓咗系厅打地铺成两个礼拜，佢都好辛苦啊！（系咪会好担心BB？）紧系有担心，所以隔离完都有即刻去做一次产检，好彩医生都话BB一切正常！”

她亦指患病的孕妇不要乱食药，一定要先问医生意见：“我系网上诊症睇中医寄中药过嚟嘅，喺等嘅过程我只会食paracetamol成分嘅成药控制住病情，因为孕妇唔系只只药都食得。仲有老公成日整柠檬水我饮，我又会开窗帘晒吓太阳，得闲同吓BB讲加油，放松心情就会好番㗎喇。”