离巢后求上位 王君馨入内地骚乱舞变Young

etin

艺人王君馨去年底宣布正式与无綫结束14年宾主关系，估唔到只系转眼3个月，原来佢已经脱胎换骨，加入创新舞蹈选秀节目《了不起的舞社》，由艺人苏有朋主持，王霏霏、李永钦、赞多等担任舞团领队，节目主打女子齐舞，虽然未正式公布参赛者名单，但网上已经有唔少节目录制花絮流出。当中就见到王君馨多次同唔同Young爆美女参赛者嘅跳舞片，包括人气组合GNZ48成员唐莉佳、女舞者肖恩等，见众女同王君馨年龄相差成10岁，不过状态Fit爆嘅佢就真系活力十足，隐身于舞团之中都毫不突兀，表演经验丰富嘅佢，仲比唔少参赛者更有大将之风添！