开枪够胆擘大眼 Aka开心被导演赞

etin

歌手Aka（赵慧珊）有份演出的剧集《黑金风暴》最近热播，首次拍剧的她饰演ICAC调查人员，Aka坦言拍剧真系好开心，尤其是遇到一班好拍档和超好的前辈，包括黄浩然、李璨琛、罗钧满和胡卓希，特别是众人的“大佬”浩然，她说：“喺剧里面佢系我哋大佬，戏外佢都系，好照顾每一个演员，佢本身系男主角已经好忙好多戏好攰，但佢仲系好take care我哋呢啲做细嘅，系非常好嘅领袖同大佬，而Sam哥（李璨琛）每次讲嘢已经好搞笑，我哋新人有时系好紧张，佢就缓和到个气氛，拍戏时大家食冇定时又食得唔健康，佢会带住啲营养supplement畀我哋食。”

剧中她要学揸枪，又有爆破场面，非常刺激，她说：“我企喺Sam同浩然哥隔篱，佢哋会话记住到3就即跳，其实跳嘅时候已经feel到啲热力喺隔篱，啲时间要好准确。”第一次拍开枪又系非常紧张，她说：“虽然系空弹，但都有火力，个回弹都好劲，但我好开心最尾导演赞我已经训练到擘大眼，嘭嗰下冇咪埋眼。”她觉得拍动作戏好好玩，又好好睇，希望将来有多啲机会拍动作电影或剧。