疑似放闪！郑欣宜晒V面孖高大猛男行街

etin

歌手郑欣宜（Joyce）近年积极瘦身，仲开始生酮饮食兼频频运动，佢试过喺3个月内成功甩咗20磅，非常厉害！日前佢喺社交网上载照片，见佢块面瘦咗唔少，仲着住一件白色背心，小鸟依人咁挨住旁边男仔嘅膊头上，睇落系高大威猛Type，疑似放闪！佢仲喺贴文写到：“好想饮凉茶，有咩凉茶有助防疫?”

唔少网民见相后都纷纷留言：“块面瘦咗好多！”、“好靓女”，就连毛舜筠都留言大赞：“女，你带咗个口罩几乎唔认得系你呀！真系瘦咗好多，正！”其后又补多句：“你肥瘦我都锺意”，非常Sweet！另外，亦有网民大胆留言：“想知你挨住边个”，不过Joyce就冇回应。唔知Joyce系咪真系拍拖呢?如果系真，相信一班粉丝都会好戥佢开心！