网友发现老公有古怪！汤怡：有啲嘢唔知好过知

etin

女神汤怡（Kathy）近日喺社交网大玩“快问快答”，唔少人都争住问佢整蛋糕既问题，也有网友问到汤怡每日最开心嘅时刻系几时，佢就晒出老公同囡囡训喺自己旁边嘅照片，Sweet爆写到：“每朝见到呢个画面，感恩生存喺呢个世界上面，有家人朋友嘅爱护。”

也有网友发现老公有古怪，话想睇老公电话，佢就话：“只可以讲有啲嘢唔知好过知，知道之后你点take都系一个学问，都要互相尊重，倒转佢睇返你电话会有咩感受?不过谂吓做啲咩可以搵返拍拖甜蜜嗰个感觉?加油！”另外，有网友问佢点样保养皮肤，佢就话：“唔晒同搽防晒！”仲话自己依家白到有啲过分，尤其对脚，打算迟下去晒阳光，吸收多啲维他命D咁话！