萧正楠公然帮异性拍照 黄翠如惨遭冷落：我呢？

etin

艺人黄翠如与老公萧正楠向来恩爱，日前萧正楠先唱歌冧翠如，点知昨日就“做错事”，大胆激嬲老婆！黄翠如于社交网大晒影片，见佢原本同萧正楠喺海天相连嘅户外欣赏美景，但身为翠如“御用摄影师”嘅萧正楠，竟当住老婆面，帮其他女仔揸机影相，完全当翠如冇到，翠如企喺佢身后啤到实，佢都懵然不知，激到翠如即时呷醋：“点解佢喺度帮其他女仔影相嘅？我呢？”萧正楠随即解释只系一时技痒先帮人拍照，但翠如当然唔收货，仲立即捏佢后颈“体罚”，场面搞笑！