陈意涵超美独立屋曝光 半透明瑜伽屋网民劲赞

etin

女星陈意涵一向都热爱运动，日前佢就喺社交网发文话：“扭到脚也阻止不了我的过动。”原来最近佢因为脚伤要留喺屋企休息，但一样喺屋企周围玩。从影片可见，意涵坐住囝囝“小初”嘅玩具车代步，去到旋转楼梯位置时，佢突然煞停再回转，原来系要去坐私家𨋢。​结婚后的意涵，一家四口住喺超靓独立屋，影片可见佢嘅露台以及主人房都系一望无际嘅山景，屋外除有小花园之外，更设有面积过百呎瑜伽屋，如半透明的树屋一样，就连网民见到都留言大赞瑜伽屋嘅设计，而佢就冧爆回覆话系老公送畀佢嘅礼物。