全靠吴浩康凼番 郭思琳佗B唔习惯一度崩溃痛哭

etin

英皇歌手吴浩康（Deep）与33C“格斗女神”郭思琳拉埋天窗，同时荣升父母双囍临门，被形容为“理想的另一半”的郭思琳，接受访问时亦大赞Deep：“系一个好锡我，会成日娱乐我逗我笑嘅人。”她指因男方生活规律，所以令她感到安全感，又说：“同佢一齐相处好融洽、好舒服，亦都有正面嘅影响。自从知道有咗BB之后，我觉得佢更加稳重，我感觉佢会系一个好丈夫好爸爸。”

谈及首次怀孕，她说庆幸有家人照顾：“好彩Deep三个家姐都有仔女，我家姐同妈咪又系，成日都会灌输啲育婴知识畀我，咁都无咁彷徨。初头乜都唔识，乜都唔敢食，每一日Deep都安排我食营养餐，一时三刻改变晒啲饮食习惯好唔惯。”更透露有次突然当住家人面前崩溃痛哭，Deep即时凼她：“放宽咗我，间中有cheat day（放纵日），可以食吓辣嘢，食吓朱古力。”又指现时佗B颇舒服：“暂时无乜作呕作闷，反而胃口好咗，系咁食嘢。不过好困扰系子宫愈来愈大，压住个膀胱，成日都要去厕所，搞到失眠同皮肤差咗！”

至于婚礼，她透露月中已包了私人地方及证婚律师主持结婚签字仪式，在疫情下的禁限聚令，婚礼和自己想像中的结婚情景有出外难免有点失望：“始终人生大事都想亲友嚟到观礼，依家惟有寄望疫情快啲有好转，希望等我生完BB快啲修身，回复最佳状态先再摆酒庆祝啦！”