劲贪靓！小猪比向妈妈单文柔偷师学化妆

etin

靓妈单文柔日前喺社交网上载照片，相中见佢拎住个化妆扫化妆，而女儿小猪比就喺旁边眼仔睩睩望住佢化妆，非常可爱。佢仲喺贴文写到：“开始贪靓了，见到我化妆，又要一齐化。”睇嚟小猪比都想同妈妈一样扮靓靓，偷师学化妆，真系人细鬼大。老公陈展鹏亦父爱大爆发，冧爆留言话：“开始学化妆”，仲附送一个开心Emoji。而两位同是靓妈嘅陈敏之以及陈凯琳亦有留下心心眼Emoji大赞：“好得意呀！小猪比同妈咪都好靓。”网民见状亦留言：“你们俩都天生丽质”、“囡囡愈大愈靓”。不过小猪比咁可爱，唔使化妆都一样靓啦！