Baby离婚后首个生日！杨幂倪妮轮住送祝福

etin

女星Angelababy昨日（28日）33岁生日，虽然今个生日系佢宣布离婚正式回复单身后嘅首个生日，但佢一啲都唔寂寞，全因有唔少圈中好友送上祝福，其中向来同Baby情同姊妹嘅杨幂不但踏正凌晨零时零分，第一时间向Baby讲生日快乐：“杨老师生日快乐！今天你最好看，爱你！”仲大放惊喜彩蛋，晒出3张佢与Baby嘅“另类合照”，其实系Baby手持电话，电话上播放住杨幂嘅照片，实行隔空同框，可见呢对闺蜜平时私底下一样咁冤气。而女星倪妮则晒出Baby嘅独照，并留言：“亲爱的Angelababy，生日快乐，平安喜乐，爱你！”