高海宁Chok爆组团 王浩信惊变“小白脸”

etin

身为无綫首席创意官嘅王祖蓝，近月带同视帝王浩信、高海宁（高Ling）及张振朗内地开工，佢哋除咗参加综艺节目《开拍！情景剧》外，同时亦会参与湖南卫视王牌综艺节目《你好星期六》嘅拍摄，实行Chur到尽咁话！​高海宁同王祖蓝昨日（27日）都有喺社交网晒出佢哋4个组团，Chok到爆影嘅合照，王祖蓝留言：“团建大合影！”睇到佢哋一齐摆晒甫士，气势十足，令到唔少网友都话好期待，大赞佢哋系最佳组合，不过就有网友将重点放咗喺王浩信块面度，话佢个妆化到太白，望落有啲唔自然啰！而高海宁就留言：“好久不见，甚是想念！”睇嚟佢已经有啲挂住香港，唔少网友都话想佢快啲开完工返嚟呀！