黄宗泽批周秀娜条命太硬 唔使旨意食“软”饭

etin

女星周秀娜最近跟黄宗泽（Bosco）拍紧剧集，两人私底下都好老友，在空档时排排坐低拍了一条算命搞笑片，并放在社交网同大家分享，Bosco话要帮娜姐算一算条命，但娜姐就话：“有求冇应黄大师！”片段中Bosco问佢：“娜姐，你最大志愿系咩？”娜姐笑话：“我最大志愿要食软饭。”

Bosco即手指郁郁扮晒嘢，笑话：“我帮你算过啦，你条命大硬，唔使旨意。”娜姐听完简直晴天霹雳，激到扭计大嗌：“我唔制呀，我要食软饭，我唔要，我唔制，几时先有软饭食，你冷。”Bosco笑言睇相佬帮你唔到，对你唔住，娜姐礼上往来，话要帮Bosco算番：“我屈指一算，你条命都好硬。”Bosco即大笑话：“所以我唔食饭。”几乎笑死娜姐。​娜姐又写道：“天气咁冻饭要趁热食，唔要饭冰冰，软饭秘笈，拍摄失空日常”喎！