发烧38.9度！朱智贤睇完医生返屋企途中撞车

etin

最近疫情大爆发，每日几千宗嘅确诊，令人心惶惶，大家都担心会中招，加上近日气温急降，唔小心就随时会冻病咗，当你一起身量体温发觉自己发烧，相信你都会惊自己系咪中咗招呢？艺人朱智贤昨日（21日）喺社交网留言话：“呢2日真的是祸不单行！”原来佢已经病咗3日，一度发烧发到38.9度，全身肌肉酸痛，不过好在佢连续做咗3检测都冇事，证明自己系冇确诊呀，而依家都已经退咗烧，嗌大家唔使担心，佢只系冷亲啫！不过佢讲番自己喺发烧第二日嗰阵去咗睇医生，之后打算返屋企好好休息，点知途中撞车：“小小的车辆碰撞，横风横雨又10度之下仲要落车睇，搞咗个几钟，对鞋湿晒，头发又湿，风癞又出埋，冻到成个人震晒。”

​而佢仲嗌大家最好喺屋企摆定快速测试剂：“喺呢啲非常时期，最好就唔好病啦！同埋奉劝大家屋企最好有快速测试剂守门口，如果唔系到你有少少唔舒服嘅时候你就会好腾鸡。PS: 三次快速测试，分别用咗三只不同牌子去测。”网民都纷纷留言送上祝福，嗌佢要好好保重身体呀！